Խորհրդատվություն և հոգեթերապիա | "Հիլֆմանն" հոգեբանական ծառայություն
ԽՈՐՀՐԴԱՏՎՈՒԹՅՈՒՆ ԵՎ ՀՈԳԵԹԵՐԱՊԻԱ
"Հիլֆմանն" հոգեբանական ծառայության միջդիսցիպլինար թիմի անդամներն ու ասոցացված մասնագետներն իրականացնում են առկա և առցանց (Skype-ով) հոգեբանական խորհրդատվություն և հոգեթերապիա: Ծառայությունների արժեքը բերված է քիչ ստորև: Ծառայությունների դիմաց վճարել կարող եք ցանկացած բանկի ցանկացած մասնաճյուղում, ինչպես նաև բանկային փոխանցմամբ:

Մեր մասնագետներն իրականացնում են հոգեբանական խորհրդատվություն և թերապիա` հայերեն, ռուսերեն, անգլերեն, վրացերեն, լեհերեն և այլ լեզուներով: Մենք իրականացնում ենք խորհրդատվության և հոգեթերապիայի հետևյալ տեսակները` անհատական, զույգերի և ընտանեկան, խմբային, մանկական և առցանց (Skype-ով):

Բացի այդ, մեր ծառայությունն ունի 3 հիմնական մասնագիտացում, որոնց համար մշակվել են հոգեթերապևտիկ հատուկ ծրագրեր։ Դրանք են՝ տագնապային խանգարումների հոգեթերապիայի ծրագիրը, մարմնի պատկերի խանգարումների հոգեթերապիայի ծրագիրը և խաղամոլության հոգեթերապիայի ծրագիրը:

Lրացուցիչ տեղեկությունների և մասնագետի հետ հանդիպմանը գրանցվելու համար կարող եք գրել կամ զանգահարել մեր հիմնական կոնտակտներով:


Անհատական
Անհատական հոգեբանական խորհրդատվությունն ու հոգեթերապիան` հոգեթերապևտիկ միջամտության ամենատարածված և հիմնական ձևաչափն է: Այն անց է կացվում մեկ, երբեմն երկու մասնագետի, իսկ որոշ դեպքերում էլ մասնագետների խմբի մասնակցությամբ (ինչպես օրինակ "Հունական երգչախումբ" մեթոդի դեպքում): Անհատական ձևաչափը կիրառվում է համարյա թե բոլոր հոգեթերապևտիկ ուղղությունների շրջանակներում, որոնց տեսա-մեթոդաբանական առանձնահատկություններն էլ հենց պայմանվորում են վերջինիս ընթացակարգը և ֆորմալ կողմերը (տևողությունը, հանդիպումների հաճախականությունն ու քանակը, և այլն):

Զույգերի և ընտանեկան
Զույգերի և ընտանեկան հոգեբանական խորհրդատվության ու թերապիայի օբյեկտներն են` զույգերի սեռական խնդիրները, ինչպես նաև խաթարված միջանձնային հարաբերությունները զույգերի, ընտանիքի անդամների միջև: Զույգերի և ընտանեական հոգեբանական խորհրդատվությունն ու թերապիան կարող են անցկացվել ինչպես զույգերի կամ ընտանիքի բոլոր անդամների հետ միասին, այնպես էլ առանձին-առանձին:

Խմբային
Խմբային թերապիայի առանձնահատկությունը այն է, որ խմբային դինամիկան, խմբի մասնակիցների միջև առաջացող փոխհարաբերությունների և փոխազդեցությունների ողջ համակազմը կիրառվում են թերապևտիկ նպատակներով: Ըստ էության, խմբային թերապիայի տարբերությունը անհատականից միայն այնէ, որ այս պարագայում թերապևտիկ ազդեցության հիմնական գործիքը` այցելուների խումբն է: Խմբային թերապիան կիրառվում է նաև թիմի ստեղծման, խմբային մերձեցման, կոնֆլիկտների կանխարգելման և հաղթահարման համար:

Մանկական
Մանկական հոգեբանական խորհրդատվությանն ու թերապիային բնորոշ են հատուկ մեթոդներ և տեխնիկաներ, որոնք ուղղված են երեխաների տարաբնույթ խնդիրների և խանգարումների հաղթահարմանն ու բուժմանը: Այս ձևաչափի շրջանակներում, մասնագետը աշխատում է երեխայի հետ միայն, սակայն երբեմն, ելնելով խնդրի առանձնահատկություններից, անհրաժեշտ է լինում թերապևտիկ գրծընթացի մեջ ներգրավել նաև երեխայի ծնողներին:

Առցանց (Skype-ով)
Առցանց հոգեբանական խորհրդատվությունն ու թերապիան իրականացվում է հեռահաղորդակցման հատուկ միջոցներով (Skype-ի), որոնք հնարավորություն են տալիս ինտերնետի առկայության դեպքում անկախ հեռավորությունից, անկախ այցելուի և մասնագետի գտնվելու վայրից, կապ հաստատել միմյանց հետ` տեսնել և լսել մեկը մյուսին: Ներկայումս սա հոգեբանական խորհրդատվության և թերապիայի ծառայությունների մատուցման ամենարագ զարգացող ձևաչափերից մեկն է, որն իր արդյունավետությամբ չի զիջում ավանդական` առկա ձևաչափին:



Այսպես օրինակ 2008 թվականին անցկացված 92 հետազոտությունների մետա-վերլուծությունը ցույց է տվել որ առցանց թերապիայի (Internet-Based Therapy) և առկա թերապիայի (Face-to-Face) միջև չկան էական տարբերություններ (տես` Journal of Technology in Human Services, Vol. 26, No. 2): Ինչպես նաև, 2009 թվականին անցկացված 148 հեղինակավոր մասնագիտական հոդվածների և հետազոտությունների ուսումնասիրությունը ցույց է տվել որ տեսա-լսասարքավորումների միջոցով անցկացված թերապևտիկ միջամտությունները նույնպես արդյունավետ են, մասնավորոապես գրացվել է` թերապևտիկ գործընթացից մասնագետների և այցելուների բավարարվածության բարձր մակարդակ և դրական կլինիկական արդյունքներ (Clinical Psychology: Science and Practice, Vol. 16, No. 3): Բացի այդ, Journal of Clinical Psychiatry (Vol. 71, No. 7) մասնագիտական պարբերականում 2010 թ.-ին տպագրված մեկ հետազոտություն փաստում է, որ տեսա-լսասարքավորումների միջոցով իրականացվող թերապիան կարող է արդյունավետ լինել Հետ-տրավմատիկ սթրեսային խանգարման դեպքում (PTSD), ինչպես նաև երբեմն կարող է նույնիսկ առավել արդյունավետ լինել Հետտրավմատիկ սթրեսային խանգարման դեպքում (PTSD), ինչպես նաև երբեմն կարող է նույնիսկ առավել արդյունավետ լինել քան առկա թերապիան:

Տագնապային խանգարումների հոգեթերապիա
"Հիլֆմանն" հոգեբանական ծառայության մասնագիտացումներից մեկը տագնապային խանգարումներն են, որոնց հաղթահարման համար կիրառվում է կոգնիտիվ-վարքաբանական թերապիա։ Լրացուցիչ տեղեկություններ կարող եք ստանալ այստեղից։

Մարմնի պատկերի խանգարումների հոգեթերապիա
Մարմնի պատկերի խանգարումները, այդ թվում նաև դիսմորֆոֆոբիան (մարմնի դիսմորֆիկ խանգարում), "Հիլֆմանն" հոգեբանական ծառայության թիրախներից մեկն է, որոնց բուժման համար մշակվել և կիրառվում է հատուկ հոգեթերապևտիկ ծրագիր` կոգնիտիվ-կոնցեպտուալ թերապիայի շրջանակներում: Ավելին իմանալ կարող եք այստեղից։

Խաղամոլության հոգեթերապիա․ կախվածությունից ազատման ծրագիր
Մոլախաղերից կախվածությունը "Հիլֆմանն" հոգեբանական ծառայության հիմնական թիրախներից մեկն է, որի հաղթահարման համար 2011-2014թթ․, կոգնիտիվ-վարքաբանական թերապիայի շրջանակներում, մշակվել և կիրառվում է հատուկ ծրագիր: Վերջինիս ծանոթանալ կարող եք այստեղ։




Ծառայությունների գնացուցակին ծանոթանալ և վճարել վերջիններիս համար առցանց կարող եք այստեղ։

Lրացուցիչ տեղեկությունների և մասնագետի հետ հանդիպմանը գրանցվելու համար կարող եք գրել կամ զանգահարել մեր հիմնական կոնտակտներով:
©Hilfmann, LLC, Yerevan, Armenia || Created by SEEA: Web Development and Web Design