"Ախտաբանական խաղամոլության հոգեթերապիա" մասնագիտական նոր թրեյնինգը նախատեսված է հոգեկան առողջության ոլորտի այն մասնագետների համար ովքեր զբաղվում են կամ ցանկանում են զբաղվել ախտաբանական խաղամոլության հոգեթերապիայով: Թրեյնինգի ընթացքում մասնակիցները կծանոթանան խաղամոլության հոգեթերապիայի համալիր ծրագրին և գործնականում կյուրացնեն համապատասխան տեխնիկաները։ Թրեյնինգի տևողությունը կազմում է 15-18 ժամ (կախված մասնակիցների թվից), իսկ արժեքը` 37’500 դրամ (ուսանողների համար` 30’000 դրամ): Թրեյնինգի մասնակիցները անվճար կստանան համապատասխան ձեռնարկը:

Գրքում ներկայացված են երեք հեղինակային հոգեթերապևտիկ տեխնիկա` տագնապի և վերջինիս հետ փոխկապակցված խնդիրների հաղթահարման համար: Նկարագրված են նաև տեխնիկաների նեյրոկենսաբանական հիմքերն ու մեխանիզմները: Գիրքն արտացոլում է "Տագնապային խանգարումների կոգնիտիվ-վարքաբանական թերապիա" թրեյնինգի բովանդակության մի մասը և նախատեսված է հոգեկան առողջության ոլորտի մասնագետների համար: Վերնագիրը հայերեն` "Իրականության կոգնիտիվ կառուցումը. երեք տեխնիկա կոգնիտիվ-կոնցեպտուալ թերապիայից": Հեղինակ` Արման Նորայրի Բեգոյան:

Կոգնիտիվ-կոնցեպտուալ թերապիայի հետազոտական լաբորատորիան հրավիրում է համագործակցության հոգեկան առողջության ոլորտի պրակտիկ աշխատողներին և հետազոտողներին` կոգնիտիվ-կոնցեպտուալ թերապիայի ոլորտում համատեղ հետազոտություններ իրականացնելու նպատակով: Հետազոտությունների հիմնական բնագավառներն են` կլինիկական հոգեբանություն, առկա հոգեբանական խորհրդատվություն և հոգեթերապիա, առցանց հոգեբանական խորհրդատվություն: Հետազոտությունների հիմնական կլինիկական ուղղվածություններն են` տագնապային խանգարումները, օբսեսիվ-կոմպուլսիվ խանգարումները, դեպրեսիվ խանգարումները, հետտրավմատիկ սթրեսային խանգարումը, մարմնի դիսմորֆիկ խանգարումը, ախտաբանական խաղամոլությունը և թմրանյութային կախվածությունները։